شرح تتبع العطل و الانتقال من عطل للاخر لنفس الجهاز .

#Oppo_A73

- الجهاز فاصل باور ( شورت صريح ) نتيجة السقوط فى المياه .

#الفنان_اللمحول

- تمهيد قبل تشيخص واصلاح العطل :

1- ال Full Short ( الشورت الصريح ) يعنى سحب كامل الأمبير بمجرد توصيل الموبيل بالباورسبلاى بدون الضغط على زرار الباور.

2- وفى هذه الحالة تكون ممانعة خط فولت البطارية VBat زى ممانعة الخط الارضى GND تساوى Zero.

3- و هنا اصبح خط فولت البطارية على اتصال مباشر بالخط الارضى GND بدون وجود اى Impedance تقريبا ( معاوقة او مقاومة للتيار الكهربى ) بين الطرفين.

4- طبقا لقانون اوم ( ohm's law ) فى حالة التيار المستمر هو V = I x R  

الجهد V بالفولت (V) , التيار I بالأمبير (A) , المقاومة R بالأوم (Ω). 

5- من قانون اوم هلاقى I = V÷ R 

لو الجهد (V)= 4 فولت ( وهو فولت البطارية ) و المقاومة (R)= zero فيكون التيار (I) يساوى مالانهايه يعنى اقصى سحب ممكن للامبير زى ماقولنا فى بداية الكلام.

6- طريقة حقن التيار والتبخير هى طريقة لاكتشاف العنصر التالف المسبب لمشكلة ال Short Circuit ( الشورت او القفلة ).

7-و فى هذة الطريقة يتم تبخير كامل البورده او جزء معين منها باستخدام الرجينا .

8- و بعد ذلك يتم توصيل الخط المتضرر ( فى حالتنا هنا هو خط VBat ) بالفولت المناسب ( فى حالتنا هنا هو 4 فولت ).

- خطوات تشيخص واصلاح العطل :

اولا : عطل فاصل باور (شورت صريح)

   1- تم رفع الحمايات المعدنية (RF Shields) فى المناطق المتضررة على البورده والتنظيف.

   2- تم توصيل الموبيل بالباور سبلاى و كانت السحبه هى شورت صريح.

   3- تم فحص البوردة من خلال الميكروسكوب بحثا عن وجود تلف واضح على اى مكون من مكونات البوردة .

   4- تم التوجه لاستخدام طريقة حقن التيار و التبخير بالطريقة السابق ذكرها.

   5- وهنا ظهرت سخونه على ايسى الباور المساعد PMI 632-902.

   6- بعد رفع ايسى ال PMI 632 من مكانه اختفى الشورت ( الممانعة على خط VBat رجعت للقيمة الطبيعية بدلا من Zero ).

   7- وتم تركيب ايسى PMI 632 اخر سليم .

   8- و هنا عاد الموبيل للعمل ولكن بدون بيانات و اضاءة للشاشة .

ثانيا : عطل فاصل بيانات وإضاءة 

   1- كده اتحول العطل من فاصل باور الى عطل بيانات و اضاءة.

   2- عند تجربة شاشة اخر (طبقا لمبدأ تغيير الملحق اولا ) اشتغل الموبيل مع وجود البيانات والإضاءة.

   3- كده منظومة البيانات والإضاءة تمام و العيب من شاشة الموبيل نفسها .

   4- بالفحص تبين وجود تلف لكونكتور الشاشة نفسها و تم تغيير كونكتور الشاشة.

   5- و هنا عادت بيانات و اضاءة الشاشة للعمل بشكل طبيعى ولكن مع عدم وجود صوت للجرس.

ثالثا :عطل فاصل صوت (الجرس فقط)

   1- كده اتحول العطل من  عطل بيانات و اضاءة إلى عطل صوت.

   2- تم تركيب جرس اخر (طبقا لمبدأ تغيير الملحق اولا ) ولكن لم تحل المشكلة.

   3- هناك ممانعات معروفة مثل ممانعات سوكيت الشحن و كونكتور البطارية و الجرس وغيره.

   4- ممانعة الجرس الصحيحة هى قراءة و قراءة بنفس القيمة.

   5- وعند قياس ممانعة الجرس كانت OL و OL (قطع اختصار Open Loop).

   6- كده المسارين بتوع الجرس مقطوعين وهما SPK_PA_OUT_P ( المسار الموجب للجرس ) و SPK_PA_OUT_N ( المسار الموجب السالب ).

   7- بالفحص تبين وجود ممانعة صحيحة للمسارين على كونكتور البورده الرئيسية وعدم وصولهما الى كونكتور بوردة الشحن.

   الحل هو عمل تعويض للمسار من كونكتور البورده الرئيسيه الى ريشة تلامس الجرس الموجبة او تغيير فلاتة الربط بين البورده الرئيسيه و الفرعيه (بوردة الشحن).

    و الحمد لله عاد جرس الموبيل للعمل مره اخرى.

واخيرا عاد الموبيل بالكامل للعمل بشكل طبيعى.

اللهمّ انفعنا بما علّمتنا، وعلّمنا ما ينفعنا، وزدنا علمًا وبارك لنا فيه .

#fannan

#الفنان-للمحمول