مكياتو ويب

- SAMSUNG Galaxy A20s SM-A207F Charging Ways

مخطط شحن a20s

وتعويض منظم الشحنovp

U4801

بالتوفيق للجميع

الفنان للمحمول

إقرأ المزيد

تشريح samsung galaxy a20s a207f

بالتوفيق للجميع

إقرأ المزيد

وداعـــــاً للدبــــــــــــــــــــــــــوس ! 😁😁

قبل ما نروح للـ eSIM لازم نروح الأول للـ SIM العادي بإختلاف أنواعة ولو إن تقريباً كل الموبايلات دلوقتي شغالة علي الـ Nano Scale

ال SIM هو أختصار لـ Subscriber Identification Module طيب الخط او الشريحة اللي بنجيبها دي ونحطها في الموبايل لازمتها ايه ؟

هي باختصار شريحة مادية وظيفتها تلقط شبكة خلوية من مقدم الخدمة

يعني فالأساس الخط دا هو اللي بيحدد هُويتنا للشبكة بناء على التعاقد بتاعنا او حسابنا في الشركة وبكدا بقي معانا رقم موبايل في الشبكة

شكل الشريحة العادية دي تطور كتير من حيث الـ Technology زي الـ 3G وحالياً الـ 5G وكمان من حيث الحجم بداية من الـ SIM Card الكامل وصولا للـ Nano SIM حالياً... والدور دلوقتي علي الـ eSIM الشريحة المدمجة أو ما تعرف بالشريحة الإلكترونية.. ودي بقي مبناخدش من شركات الاتصالات ونحطها في الموبايل دي بتيجي مدمجة بالفعل داخل الموبايل يعني مع التصنيع

وأول شركة تستخدم الـ eSIM في منتج ليها كانت شركة Samsung في Smart Watch عام 2016

وبعديها كان شركة Apple وبردو كان في Smartwatch عام 2017

وأول موبايل يدعم الـ eSIM كان من شركة Google بردو عام 2017

طيب شغلتها ايه الـ eSIM دي ؟

بالظبط وظيفتها زي الـ SIM Card العادي ولكن الشريحة العادية جاية من مزود خدمة معين أنت تعاقدت معاه ومُثبت عليها ببيانات معينة بحساب معين وخلينا نقول عليه Profile.. ودا اللي بيعرف الشبكة أنت مين زي مقولنا قبل كدا

إنما الـ eSIM فدي هتأدي الوظيفة نفسها ولكن مش مثبت فيها بيانات معينة.. معليهاش بروفايل بعينه يعني.. فأنت بتروح لشركة الاتصالات عادي جداً تتعاقد معاهم علي رقم ويبقي ليك حساب او Profile ولكن بدل ما ناخد منهم الشريحة البلاستيك نحطها الموبايل علشان نقدر نستخدم الشبكة هناخد بيانات الـ Profile بس وننزلها على الـ eSIM ودا سهل جداً من خلال أننا نعمل QR Code Scan مثلا أو عن طريق Application الشركة.. نخش نفعل الخدمة فينزلنا الـ Profile بتاعنا علي الـ eSIM اللي مدمجة فى الموبايل وبكدا نقدر نستخدم الشبكة عادي جداً بكل خدماتها زي مكنا شغالين

خدمة الـ eSIM يعتبر جديدة علينا ولكن مش لسا طالعة حالاً دي شغالة في بلاد كتير من أكتر من سنة او اتنين وكمان موبايلات كتير فالسوق وأجهزة ذكية بتدعم الخدمة

وطبعاً زي أي Technology مع الوقت بتتطور وقدراتها بتزيد فدلوقتي الـ eSIM Chips المدمجة بتقدر تشيل 5 Profiles ووصلت ل 10 كمان يكونوا عليها فنفس الوقت ونبدل بينهم ولكن مش كلهم بيبقوا شغالين في نفس الوقت فالبداية كان الخط أو الـ Profile أو الرقم اللي بيكون شغال واحد بس دلوقتي وصل لرقمين شغالين فى نفس الوقت ونقدر نبدل بين العدد الكلي... وسواء العدد الكلي من الـ Profiles أو اللي شغال منهم بشكل فعلي في نفس الوقت.. هيزيد مع تطوير الـ Technology دي مع الوقت وطبعاً بيكون حسب المصنعين والشركات المعنية بالأمر

نيجي بقي للجزء الأهم وهو تأثير الـ eSIM علي الـ User Experience أو دورها في الـ Customer Experience بشكل عام 👌

الـ Technology دي بتنقل تجربة إستخدام الشبكات الخلوية ككل نقلة نوعية ودا لأنها فالمقام الأول بتحقق الـ Digitalization Concept بشكل اساسي الى جانب التجريد المادي في الإستخدام.. ودا طبعاً بيلعب دور كبير فرفع كفائة التجربة من خلال مفاتيح اساسية زي الـ Usability والـ Accessibility.. وممكن نناقش دا فشوية نقاط كدا زي...

- طبعاً نمرة واحد مستخدمين الـ iPhone اللي ولأول مرة هيقدروا يستمتعوا بإستخدام أكثر من شريحة بدل ميكون معاهم كذا موبايل وبكدا يكون عندهم Dual SIM وأكتر زي مستخدمي الأندرويد

- هنرتاح من مشكلة ضياع أو تلف الشريحة أو أن حجم الشريحة مش متوافق مع الموبايل أو حوارات شيل وحط وبدل خطوط بين الموبايلات اللي بنستخدمها

- مفهوم جديد للتجوال ودا لأن عدد الخطوط مبقاش مشكلة.. بستخدم خطين أو تلاتة في دولتي لما أروح دولة تانية مش محتاج أشيل وأحط.. هضيف عليهم الشريحة الجديدة بتاعت الدولة اللي أنا فيها وأستخدمها بشكل مباشر

أو حتى بعيداً عن التجوال الخارجي... لو معانا أربع خطوط من أربع مشغلين خدمة وبنتنقل فالأماكن أو المحافظات كتير ففي أي مكان هشغل الشريحة اللي متوفر ليها أفضل تغطية حسب المكان اللي أنا فيه

- وطبعاً اللي بيميز كل دا هو الطريقة نفسها اللي نقدر ندير بيها الإستخدام المتعدد للخطوط بتاعتنا واللي بيكون سهل جداً من خلال Application وبنخش نبدل بين الـ Profiles بتاعتنا بكل سهولة ونحدد الخدمات لكل خط

- ومش بس إدارة الـ Profiles علي نفس الجهاز.. كمان زي ما بنقدر ننقل الـ Contacts بتاعتنا من جهاز لجهاز بشكل مباشر أو عن طريق Back-Up من خدمات التخزين السحابي... كمان لو جيبنا موبايل جديد نقدر نعمل Back-Up للـ Profiles بتاعتنا نفسها بكل بياناتها من الـ eSIM بتاعت الجهاز القديم للـ eSIM بتاعت الجهاز الجديد بكام دوسه فالسريع

- وفي طبعاً قيم مضافة وتطلعات زي أن بالتنازل عن الجانب المادي فزي مبنقدر نضيف أكتر من Profile علي نفس الجهاز فممكن يبقي متاح نشغل نفس الـ Profile علي أكتر من جهاز بيدعموا الـ eSIM.. ليه لا ؟! ولكن مش عارف الحقيقة حاجة زي كدا في الخطة ولا بعيدة شوية.. بس أكيد هتساعد ناس كتير خاصة اللي بيشتغلوا من كذا جهاز

- نقدر نريح العميل أكتر.. يقدر مثلاً يخش أونلاين يتعاقد ويدفع ويضيف الـ profile ويشغل الخدمة وكل دا فى دقائق بشكل.. مُميكن 😅.. بعيداً عن زحمة مراكز الخدمة وطوابير الانتظار

- هيكون أسهل علي الشركات أنهم يحلوا المشاكل الفنية أو التحديثات الأمنية وتغيير مفاتيح التشفير عن طريق الـ OTA Updates دون الإضطرار إلي إستبدال الشريحة

- الأستغناء عن مساحة الـ SIM Cards من الموبايل بالإضافة إلي الدرج بتاعهم هيخلي في Ability أكبر للشركات المصنعة تستغل المساحة دي في التصنيع لأنهم يزودوا حجم البطاريات أو يضيفوا Features جديدة ودا لأن أقل مساحة بتفرق معاهم جداً.. أو حتى حجم الموبايل يخف

- شيء كمان مهم جداً وهو السرقة.. وزي مأحنا عارفين الموبايل لما بيتسرق أول حاجة بتتعمل أن الخطوط تتشال علشان يكون التعقب صعب أو مستحيل فمعظم الأحيان ودا بيحصل حتي قبل ميتعمل للموبايل Factor Reset حتي لو اللي معاه الموبايل مش عارف يفتحه ولكن هيقدر يشيل الخطوط بسهولة... علي عكس الحال مع الـ eSIM اللي هيخلي الخطوط شغالة والتعقب مستمر لأكبر وقت ممكن ودا لأنها Embedded Chip غير قابلة للإزالة... ولكن نفس الميزة دي قد تكون عيب فنفس الوقت ودا حسب مقدمين الخدمة ومدى إنتهاكهم لخصوصية المستخدم

الشركات اللي أعلنوا أنهم هيدعموا خدمة الـ eSIM في مصر هم

Etisalat Egypt

Vodafone Egypt

وكان الإعلان على لسان متحدثيهم عن انتهاء الأختبارات الفنية الأساسية لتشغيل الخدمة وفي انتظار قرار تنظيم الاتصالات لإتاحة الخدمة للعملاء..

إقرأ المزيد

NOKIA G10 (TA-1334) ISP